يعني ايه فلاجشيب Flagship ؟؟!

صورة عن الفلاجشيب

يعني ايه فلاجشيبFlagship  ؟؟!

شوف الفيديو قبل ماتقرأ لو مكسل :D 

اكيد سمعت عن مصطلح الفلاجشيب دا قبل كدا سواء في خبر من اخبار شركات الموبايلات او على صفحة من الصفحات التقنية الموجودة على شبكات التواصل الاجتماعي
لو جينا للجانب اللغوي هنلاقي ان flag  يعني علم و ship يعني سفينة
ايه بقى علاقة السفينة والعلم بالموبايلات ؟

اقولك انا الحكاية من اولها
مصطلح فلاجشيب في الاساس هو مصطلح عسكري بتستعملو

 اساطيل الشركات البحرية الكبيرة

 ومعناها سفينة الضابط البحري

 الاعلى رتبة في الاسطول
يعني ظابط بحري رتبته عالية (واعلى رتبة في البحرية تقريبًا هي الاميرال ) ودي سفينته , الفلاجشيب .

أما بالنسبة للمعنوى اللغوي للكلمة :

فلاجشيب دا اسم بيطلق على اكبر او اهم او احسن شيئ او منتج او خدمة بتقدمها شركة معينة .
ومن هنا بدأ استخدام المصطلح في الهواتف
لما نقول على موبايل زي ال Note 5 انه فلاجشيب دا معناه انه احسن موبايل تقدر الشركة تقدمه ليك من حيث المواصفات بقى او التكنولوجيا اللي توصلو ليها وكدة :D

اهمية الموبايل الفلاجشيب ؟
اي موبايل فلاجشيب بيبقى مهم جدا بالنسبة للمستخدم وبالنسة للشركة المُصنعة , ودا لأن هو دا الموبايل اللي تقدر تحكم على الشركة منه , يعني مثلا شركة زي Samsung  مينفعش تقول عليها شركة وحشة او معفنة بسبب موبايل مش فلاجشيب يعني مينفعش تمسك Samsung galaxy pocket  وتحكم على سامسونج من خلاله :D

امثلة على الموبايلات الفلاجشيبس :

Samsung Galaxy S8 & S8+

Htc U11

LG G6

Infinix Zero 4plus

Huawei P10

لو عايز تعرف الموبايل الفلاجشيب لأي شركة هتكتب Samsung flagship 2017

لو عجبك الفيديو او سلسلة الفيديوهات دي اعمل لايك او حتى اكتب كومنت عرفني عشان اكمل فيديوهات في البلايليست دي :D

المصادر :

WikiTech : https://goo.gl/eZ4qcn

Quora: https://goo.gl/HbX898

Wikipedia : https://en.wikipedia.org/wiki/Flagship

ال vectors  : freepik

صورة الموبايلات : Android Authority