كيفية بذل قصارى جهدي ؟

ازاي ابذل جهد اكبر في الحياة ويكون عندي عزم على ان اكون ناجح بشكل كبير في الحياة ؟

تيم بيرجلينج ، او كما يعرف ب Avicii ، (افيتشي) مثال عظيم للعمل الجاد وللشخص الناجح .

‏ انا عارف طبعا ان الوجه الاخر للكلام دا مأساوي انه يموت في عمر مبكر زي دا .
‏ولكن افيتشي كان مثال ممتاز ل إطار " ثق بما تؤمن به" وانا أعتقد إن العالم اللي كان عايش فيه تقريبا دمرله إطار الحياة دا .
‏وانا كلّي ايمان انه كان شخص نتطلع اليه ، خاصةً انه قدر يحقق حلمه في مبّكر عمره ، وهحاول اشرح لكم في النقاط التالية .
‏

‏١- هو بس عمل اللي كان مؤمن انه صح واللي كان بيحبه .

‏
‏من عدة اسابيع بسيطة فاتت صادفتني الصورة دي (اول تعليق) :
‏دا بوست افيتشي كتبه من سنين فاتت لما بدأ يعمل اغاني (ساعتها كان عنده ١٧ سنة) .
‏ملاحظين حاجة ؟ هو نزل لينكات لشوية اغاني هو عملها يوم ٢٤ فبراير . وبعدها ، يوم ٥ مارس -على الرغم ان محدش عبره ساعتها- سأل تاني لو حد يقدر يعلق او يقول رأيه في الاغاني.
‏افيتشي كان متيقن انه كان بيعمل اغاني رائعة مدهشة . اغاني اللي الناس تقدّرها . ولكن للأسف بردو محدش رد على سؤاله .
‏اللحظة دي ، بالنسبة لناس كتيرة ، هي اللحظة اللي بينسحبوا فيها . ساعتها انت بتبطل تثق وتؤمن بالحاجة اللي بتحبها لسبب بسيط ، ان الناس مردوش عليك .
‏انك محصلتش على ردود الفعل اللي كنت مستنيها .
‏ولكن تيم حب الاغاني والموسيقى ، حب حوار انه يقعد قدام الكمبيوتر ، كل تركيزه انه يطلع اغاني حلوة وانه يخلي كل نغمة في افضل حال ليها .
‏واللي كان بيتمحور على اطار "ثق بما تؤمن به" :انك متبقاش غير راضي عن الحياة بسبب انك مسمعتش الردود اللي انت مستنيها .
‏لو انت بتستمع باللي انت بتعمله ، كمل فيه . لو بتحب اللي بتعمله ، كمل فيه .
‏ثق بان اللي انت بتفكر فيه هو الصح ورتب حياتك على الاساس دا .
‏

‏٢- خليك مؤمن انك هتحصل على اللي تستحقه.

‏بعدها بأقل من ٣ شهور ، تيم مضى عقد في مايو في نفس السنة .
‏شايف ؟ تيم فضل مكمل اللي هو بيحب يعمله ، كمل يعمل اغاني.
‏وعن طريق وضع موهبته في الموسيقى والشغف في اغانيه ، حصل اخيرا على اللي استحقه وهو : عقد اكبر انه يعمل اغاني اكتر .
‏مش بس كدا ، بعدها بسنين قليلة قدر يتعاون مع فنانين كبار امثال Tiësto و David Guetta و Madonna.
‏الناس دي متعاونتش معاه عشان كان بيبعتلهم ايميلات بشكل مستمر بيطلب منه يشتغلوا معاه .
‏لا ، الناس دي هم اللي وصلوله . هم اللي طلبه منه يشتغل معاهم . الاسماء الكبيرة دي في مجال صناعة الاغاني طلبه منه يشتغل معاهم عشان هو كان موهوب جدا .
‏وعن طريق انه يضع روحه في كل اغنيه بينتجها ، قدر يجذب الاساطير الموسيقية دي انها تشتغل معاه وهو عنده ٢٢ سنة .
‏تيم مكنتش متخيل انه يقدر يعمل اغاني حلوة لدرجة انه يشتغل مع الناس دي ، ولكنه كان مؤمن انه يقدر يعمل اغاني عظيمة .
‏لو انت اتبعت اطار " ثق بما تؤمن به" ، قريب جدا هتقدر تشوف اللي تستحقه مش اللي انت عايزه .

‏٣- خليك مؤمن بقدرتك ، لأنك لو وقفت النتائج هتكون سلبية للأسف .

‏تيم ببساطة كان بيحب يعمل موسيقى رقص الكترونية .
‏لكن سرعان ما تحولت شعبيته الي عبء كبير في حياته واللي كانت مُجدوَلة بشكل سئ مقتصرة على الرحلات والحفلات والمهرجانات .
‏ولكنه في النهاية ، في ٢٠١٦ قرر يوقف رحلاته دي . اسلوب الحياة اللي كان عايش بيه ضايقه وخلاه عايش في حياة متوترة .
‏ودا لأن في فرق كبير جدا بين انك تعمل اغاني عظيمة وانك تأدّي او تكرر الاغاني دي تاني قدام الناس . تيم في الاول كان مستمتع لكنه في الاخر كان مجهد بطريقة كبيرة جدا .
‏
‏ودا بعض من كلام تيم :
‏" سنصل جميعا الى نقطة معينة في حياتنا وعملنا نفهم فيها ما يهمنا اكثر . بالنسبة لي ، انها صناعة الموسيقى ، هذا ما اعيش لاجله ،هذا ما اشعر انني ولِدتُ لافعله ."
‏
‏اول مالناس يحبوك جدا ، هتلاقيهم محتاجين كل جزء منك ! محتاجين يسمعوا الاغاني اللي عملتها ، بطريقة غير منتهية . ولكنه وكثير من الفنانين محبوش كدا ، انما كان حبهم انهم يعملوا اغاني انهم كل يوم يعملوا حاجة جديدة .
‏
‏الحاجة اللي كتير من الناس مش مدركينها ، انهم كدا يعتبر بيقتلوا الفنان بأنفسهم . لأن الفنان كدا هيقضي وقت كبير يغني او يتدرب على اداءه ومش هيركز في غرضه الاساسي وهو صناعة الموسيقى .
‏ هيبدأو في النهاية يوقفوا الشئ اللي خلانا نحبهم ، ومن هنا تبدأ المشكلة ، لدرجة ان كتير من الفنانين بيصيبهم توتر حاد فبيلجأو الى استخدام ادوية او مواد تخليهم يحسوا بالراحة تاني ، و عشان يوصلوا لمستوى انهم يقدروا يأدوا فيه زي زمان قبل ما يغنوا اغانيهم في حفلات متكررة .

تيم شرب كميات كبيرة من الكحول عشان يتعامل مع الضغط والإجهاد الناتج من الحفلات دي ؛ لأنه ببساطة كان بيقدر يسيطر على الموضوع لما بيعمل كدا . وانا متاكد ان نمط الحياة المجهد اللي كان عايشه ده بالاضافة الى المواد اللي كان بياخدها ادت في النهاية ان جسمه مبقاش قادر يتعامل معاه خلاص !

من هنا نتعلم درس كبير جدا ، والدرس دا بمثابة قلب اطار "ثق بما تؤمن به" وهو : التزم باللي بتحبه ، مش باللي الناس عايزين يشوفوه منك .

انا كلي يقين بأننا خسرنا فنان عظيم . سواء أكنت بتحب الموسيقى او لأ ، افيتشي بكل صدق غير عالم موسيقى الرقص الالكترونية ، ببساطة عن طريقة عمله للي بيحبه .

لو انت فعلا عايز تشتغل بجهد وتبقى ناجح في الحياة ، مهم جدا انك تكون متفهم كدا . ومهم كمان انك تدرك الفرق بين حبك لحاجة ، وحب الناس انك تعمل حاجة ؛ لأنك لما توقف تعمل اللي بتحبه وتبذل وقت في عمل حاجة الناس عايزاها منك ، مش هتديك نفس الاحساس بالرضى .

حب اللي بتعمله ، وكمل فيه مهما قال الناس عليك.
#AraQuora
#Avicii

‏