كيف اصبح جرافيك ديزاينر ؟

السلام عليكم ورحمة الله وبركاته ,

جهز كوباية الشاي :'D
كنت نزلت بوست امبارح بسأل فيه عن ال graphic designers  :D
طيب ناخد اول سؤال في البوست وهو يعني ايه graphic designer ؟
دي وجهة نظري للموضوع :

قبل ما تعرف يعني ايه graphic designer  لازم تعرف ال graphic design  يعني اصلاً !

مفهوم الجرافيك ديزاين :

الجرافيك ديزاين دا جزء مربتط بوجود الإنسان ومتلازم معاه ومع كل تطورات حياته , ومعنى كدا ان اي حاجة انت بتستخدمها يوميا تدخل الى اطار ال جرافيك ديزاين , كل حاجة قدامك ليها شكل محدد وجسم محدد ثابت بيعبر عن هوية الشيئ اللي امامك دا وبيديك لمحة عنه حتى لو مش فاهم هو ايه بس اهو بيوصلك معلومة معينة .

ممكن نقول ان  ال جرافيك ديزاين هو طريقة لتبسيط/تسهيل المعلومة , بردو هو يعتبر طريقة للإبداع والتفكير بحيث ان اي حاجة ممكن تتخيلها تقدر تعملها ديزاين .

المصمم ويليام اديسون William Addison اول الناس اللي اطلقت عليه جرافيك ديزاين عام 1922م
 و كان من وجهة نظره ان المصمم هو الشخص اللي بيقوم بجمع بين صور ـ كلمات ـ ألوان ـ و الدمج و المزج بينهم و المصمم الناجح هو من يمزج الواقع بالخيال و يبدع فى التصميم عن مشروعه ,

طيب كدا عرفرنا ايه هو ال جرافيك ديزاين ... الديزاينر بقى ؟

من هو الجرافيك ديزاينر ؟

المصمم نفسه بيبقى شخص عنده قدرة على الابداع والتميز عن غيره ويربط الواقع بالخيال و بلا بلا بلا...
المصمم دا بيبقى شخص واخد فكرة عن حاجات كتيرة جداً موجودة في عالم ال جرافيك ديزاين –طبعا مش كل حاجة بس على الاقل يكون واخد فكرة كبيرة- وبيكون متخصص في حاجة معينة او اكتر .

يعني ببساطة المصممين دول هم الناس اللي بيقومو بشغلانة التواصل عن طريق العناصر المرئية زي الصور –مع اختلاف انواعها – الخطوط , الاشكال , الالوان , الكلمات ,الظلال ...الخ) ونقدر نعتبرهم فنانين ! :D

مش اي حد يقدر يقول على نفسه جرافيك ديزاينر , يعني مش اروح اشوفلي كورس فوتوشوب على اليوتيوب وابقى جرافيك ديزاينر خلاص واشتغل , لا مش كدا خالص , لازم قبل ما تبدأ اي مجال تاخد فكرة كبيرة عنه ولازم يبقى عندك المعلومات والخبرات الكافية اللي تخليك تقدر تقول على نفسك انا جرافيك ديزانير .

غلطة كبيرة معظم المصريين(واغلب المبتدئين بشكل عام) بيعملوها وهي انهم يدخلو عاليوتيوب ويعرفو كام درس كدا وخلاص بقو مصممين

انا عن نفسي عملت كدا زمان بس اكتشفت اني معرفش حاجة عنه اصلا L

كيف اصبح جرافيك ديزاينر ؟ وازاي ابقى جرافيك ديزاينر ؟

أغلب المبتدئين فى مجال الجرافيك بيواجههم مشكلة انه ما بيكنش عارف هوه عايز يدرس ايه  علشان ايه ، حاول تحدد انت عايز ايه ، حاول تركز فى حاجة واحدة  ، دايما اللي بيدخل مجال الجرافيك ده بيضيع وقت كبير بسبب انه عايز يدرس كل البرامج "الحكاية مش انك بتعرف تشتغل على كام برنامج ، الحكاية انت بتعرف تعمل ايه ببرنامج "يعني مش بالكم لا .. بالكيف .

فكتير من المصممين المحترفين ما يعرفوش الا برنامج أو اتنين ، فحاول تحدد هدفك و تركز فى حاجة تكون هيه مهنتك ، هية شغلتك ، أو هيا الحاجة اللى انت محترف فيها .

1-     يعني عشان تبقى مصمم لازم تهدى كدا وتفكر انت بتحب ايه اكتر ؟ 

طب انا معرفش حاجة اصلاً ! خلاص بكل بساطة عندك Google  تقدر تعرف منه كل حاجة !
انت مهتم ب ابه اكتر ؟ مهتم بالإعلانات , تطوير المواقع , الملتيميديا ( صناعة التيلفزيون) , تصميم الطباعة , ولا الرسوم المتحركة ؟

طبعاً انت تقدر تعمل كل دا بس الأفضل انك تبدأ بحاجة واحدة .

2-     تتعلم ازاي تشتغل على ادوات التصميم , ادوات التصميم كتير جداً ! بس انت كالعادة هتبدأ بالفوتوشوب لانه من اسهل البرامج الموجودة خصوصا بعد تحديث 2017 :D بعدها الستريتور بعد كدا انت وانت بتدور على شرح ليهم هتكتشف بنفسك باقي البرامج الموجودة .

3-     دور على كتب , شوف دورات على النت : انصحك قبل ما تبدأ تتفرج على فيديو الاستاذ مصطفى مكرم وتتابع قناته لانها هتفيدك جداً في مشوراك . https://www.youtube.com/watch?v=FgtjOIjdxWk

4-     تتعرف على مصممين , لازم تتعرف على مصممين وتوريهم شغلك وتسألهم عن رأيهم وتاخد خبرات اكتر بالتجربة واسهل طريقة لكدا هي الدخول في الgroups  المختصة بكدا زي خبرات مصمم او creative designers club  ... كتير جدا الصراحة :D

5-     جرب اكتر واكتر واكتر واكتر .. اي حاجة عايز تتعلمها لازم تجرب فيها كتير عندك مثلا برنامج الفوتشوب افتح كل القوائم وجرب كل حاجة في وشوف كل الفلاتر , متسيبش حاجة الا اما تجربها , جرب تصاميم مختلفة , هات تصاميم من النت واعمل زيها , ولما تعمل حاجات كتير وتجرب كتير هتلاقي نفسك بقى ليك اسلوب خاص وطريقة معينة .. لازم تفرج عينك على تصاميم كتير جداً قبل ما تبدأ تصمم اي حاجة , و اتفرج علي شغل غيرك ، اوعى تفتكر في لحظة من اللحظات انك خلاص وصلت لمرحلة  بتعمل كل حاجة ، دي  كده اسمها بداية الفشل بعينه .

6-     دايماً دور على الجديد ، شوف الناس بيعملو ايه ، عندك النت ، دور و شوف ، اتفرج على الأفكار ، لو انت فى البداية حاول تتفرج على شغل كتير ، ما تبصش عليه بنظرة إحباط ، بص عليه بنظرة تحدي ، إنا عايز أعمل زى ده ، فى البداية حاول تقلد ، بعد كده هتتفرج بردو بس علشان تطلع بأفكار جديدة ، بدمج أكتر من فكرة ، يعنى خلاص هتنتقل من مرحلة الاقتباس لمرحلة التجديد و الإبداع .

7-     تابع المواقع المشهورة اللي فيها مصممين مبدعين زي behance,diviantart,artstation......

8-     متعملش اكونت على اي موقع من المواقع اللي انا ذكرتها دي وتنزل عليها اعمالك خالص الا لما تلاقي مستواك اتحسن والناس عجبها شغلك , لانك بعد فترة من تصاميمك هتعرف ان تصاميمك اللي فاتت دي كلها اي كلام مع انك كنت معتبرها ساعتها حاجة سوبر بروفيشنال :'D

9-     متروحش تقلد اي تصميم عالنت وتقول انت اللي عامله .. وبردو متتعلمش تعمل كروت شخصية بعدها تقول انا جرافيك ديزاينر L

ما اعتقدش اني عندي حاجة اقدر اقولها , انت هتدور وهتكتشف بنفسك , وخليك على يقين ان طول ما انت بتطور من نفسك وبتسعى لتحقيق احلامك معتمد على الله ثم على عقلك , ومابتعملش حاجة تغلط او حاجة تقدر تمس خصوصية حد , انك هتحقق كل اللي انت عايزه بس انت توكل على الله :D

اتمنى اكون افدتكم ولو عجبكم الموضوع فدا توفيق من ربنا ولو في تقصير مني فإن الكمال لله وحده .


"إِنَّ اللّهَ لاَ يُضِيعُ أَجْرَ الْمُحْسِنِينَ" سورة التوبة 120لو سمحت لو عايز تاخد الموضوع متنساش تقول المصدر :D
مراجع:

https://www.quora.com/What-is-graphic-design
https://www.quora.com/What-is-the-best-way-to-learn-graphic-design
https://en.wikipedia.org/wiki/Graphic_design
https://goo.gl/EnoQg7