كيفية فتح الفوتوشوب او اي برنامج عن طريق لوحة المفاتيح الكيبورد

بسم الله الرحمن الرحيم

ان شاء الله في الفيديو هنعرف ازاي نفتح الفوتوشوب او اي برنامج تاني مهما كان عن طريق الكيبورد

في ناس كتير بتحتاج الطريقة دي لبرامج كتير مثلا زي الالة الحاسبة او اي برنامج تاني

كل اللي احنا محتاجينو بس يبقى عندك برنامج الفوتوشوب متسطب بس 

هنفتح الdesktop بتاعنا وهنيجي على ايقونة الفوتوشوب

لو مش عندك الايقونة دي هتفتح This pc  او mu computer

بعدها هتفتح الC

وبعدها program files

وبعدها adobe

وبعدها adobe photoshop

هتدور عالايقونة بتاعت الفوتوشوب

 وهتدوس عليها كلك يمين

وتختار send to

وبعدها desktop

كدا الايقونة بقت عندنا برا

هندوس عليها كلك يمين وندوس properties

هنختار من التابات اللي فوق shortcut

وننزل تحت على shortcut key

هندوس في المربع دا

وبعدها ندوس على الزرار اللي احنا عايزينو يفتح الفوتوشوب

انا هدوس مثلا F7 عشان مش بستخدمه كتير

بعدها هندوس OK

بس كدا !

جرب تدوس F7 هتلاقي البرنامج فتح والدنيا زي الفل

 وطبعا تقدر تعمل الحركة دي على اي برنامج تاني مش الفوتوشوب بس وهتعمل نفس الخطوات اللي فاتت دي

لو لسة مفهمتش او لو مش عارف تعملها اتفرج عالفيديو دا

بس كدا دا كان الفيديو واشوفكو في فيديو جديد ان شاء الله